31. janúar 2022 - Greiningardeild
Vikan framundan
- Seinna í dag birtir Ferðamálastofa mánaðarlega Ferðaþjónusta í tölum yfirlit sitt og Hagstofan birtir gistinætur í desember.
- Á miðvikudag birtir Marel uppgjör og Seðlabankinn birtir niðurstöður könnunar á væntingum markaðsaðila.
- Á fimmtudag birta Icelandair, Landsbankinn, Origo og Skeljungur uppgjör. Sama dag er vaxtaákvörðun hjá Englandsbanka.
Mynd vikunnar
Verðbólgan mældist 5,7% í janúar en var 1,7% janúar 2020. Alls hefur verðbólgan því hækkað um 4 prósentustig á tveimur árum. Aukin verðbólga árið 2020 var nær eingöngu vegna hækkana á innfluttum vörum án bensíns, en krónan veiktist á árinu. Þróunin innan árs í 2021 og í janúar í ár var síðan á þá leið að áhrif innfluttra vara án bensíns hefur fjarað út en í staðinn hefur framlag húsnæðiskostnaðar og þjónustu aukist ásamt því að bensín fór frá því að vera til lækkunar á ársverðbólgunni í að vera til hækkunar.
Efnahagsmál
- Vísitala neysluverðs (VNV) hækkaði um 0,50% milli mánaða í janúar og mælist verðbólgan 5,7% samanborið við 5,1% í desember. Óhætt er að segja að þetta hafi komið verulega á óvart, en við spáðum 0,2% lækkun milli mánaða. Verðbólgan hefur ekki mælst hærri síðan í apríl 2012.
- Vísitala launa var nær óbreytt milli mánaða í desember. Launavísitalan hækkaði um 8,3% á milli meðaltala áranna 2020 og 2021. Þetta er mun meiri hækkun en á næstu árum þar á undan og hefur vísitalan ekki hækkað meira frá því á árinu 2016. Meðalhækkun vísitölunnar frá aldamótum er 6,9%.
- Í desember námu hrein ný íbúðalán innlánastofnana alls 18,6 mö.kr. Mikil virkni og veruleg hækkun íbúðaverðs á síðasta ári varð ekki til þess að heimili juku skuldsetningu markvert í formi íbúðalána. Lægri vextir hafa aukið hlutdeild óverðtryggðra lána og nú er orðið algengara að fólk festi vexti slíkra lána þar sem vaxtahækkunarferli er þegar hafið.
- Atvinnuleysi samkvæmt vinnumarkaðsrannsókn Hagstofu Íslands mældist 4,4% í desember sem er 2,5 prósentustigum lægra en desember árið áður. Starfandi fólki fjölgaði um 11.800 milli ára í desember og atvinnulausum fækkaði um 4.700 á sama tíma. Hlutfall starfandi var 74,6% í desember og hækkaði um 3 prósentustig frá desember 2020.
- Hagstofan birti í síðustu viku vísitölu byggingarkostnaðar fyrir janúar , tilraunatölfræði um eldsneytissölu á 4. ársfjórðungi og mannfjölda í lok árs 2021.
- Seðlabankinn birti talnaefni um bankakerfið, lánasjóði ríkisins, verðbr.-, fjárfest.- og fagfjárfestasjóðir, önnur fjármálafyrirtæki og verðbréfafjárfesting.
- Hagdeild HMS birti samantekt á kaupverði íbúða.
Fjármálamarkaðir
- S&P staðfesti lánshæfismat Íslandsbanka.
- Lánamál ríkisins luku útboði ríkisbréfa og Reykjavíkurborg lauk skuldabréfaútboði.
Hagtölur og markaðsupplýsingar
Þú gætir einnig haft áhuga á
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.