20. september 2021 - Greiningardeild
Vikan framundan
- Á þriðjudag birtir Þjóðskrá vísitölu íbúðaverðs fyrir ágúst.
- Á miðvikudag birtir Hagstofan launavísitöluna og tengdar vísitölur.
- Á fimmtudag birtir Hagstofan niðurstöður úr mánaðarlegri vinnumarkaðsrannsókn sinni.
Mynd vikunnar
Í tölum um kortaveltu Íslendinga má sjá skýr merki um að ferðhugur Íslendinga sé farinn að aukast á ný. Þannig jukust kaup á þjónustu ferðaskrifstofa um 210% milli ára í ágúst. Þrátt fyrir aukninguna námu þessi kaup þó aðeins um helming af því sem var í ágúst 2019. Bæði sumrin 2020 og 2021 eyddu Íslendingar mun meira í kaup á gistiþjónustu innanlands en fyrir faraldurinn.
Efnahagsmál
- Kortavelta jókst um 11% að raunvirði milli ára í ágúst. Aukningin er að mestu leyti tilkomin vegna aukningar í kortaveltu erlendis frá þar sem Íslendingar eru nú farnir að ferðast til útlanda í auknum mæli.
- Hagfræðideildin spáir því að vísitala neysluverð hækki um 0,5% milli mánaða í september og ársverðbólgan hækki úr 4,3% í 4,4%. Helstu áhrifaþættir milli mánaða eru hækkanir á húsnæðisverði og útsölulok á fatnaði og skóm. Verðbólguhorfur til næstu mánaða hafa versnað nokkuð vegna veikingar á krónunni.
- Afkoma hins opinbera var neikvæð um 11,1% af VLF á 2. ársfjórðungi og neikvæð um 8,6% af VLF í fyrra.
- Hagstofan birti afla í ágúst og skammtímavísa ferðaþjónustu.
Fjármálamarkaðir
- Miðað við lok ágúst þá er árshækkun hlutabréfa hér á landi sú mesta í heiminum, sé litið til helstu hlutabréfamarkaða.
- Landsbankinn og Lánasjóður Sveitarfélaga luku skuldabréfaútboði í síðustu viku.
- Iceland Seafood keypti 85% hlut í spænsku smásölufyrirtæki.
- Reykjavíkurborg lækkaði áætlana lántöku í ár.
Hagtölur og markaðsupplýsingar
Þú gætir einnig haft áhuga á
3. feb. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. feb. 2025
Halli af vöruviðskiptum jókst í fyrra, en ekki með sama hraða og síðustu tvö ár þar á undan. Að það hægi á aukningunni gæti verið merki um að jafnvægi sé að aukast í hagkerfinu, en á móti kemur að innflutningsverðmæti hafa aldrei verið meiri sem gæti verið merki um aukin umsvif.
3. feb. 2025
Verðbólga lækkaði á milli mánaða í janúar, úr 4,8% í 4,6%. Við eigum von á að Seðlabankinn lækki vexti um 0,5 prósentustig á miðvikudaginn. Fyrstu uppgjör fyrir árið 2024 komu í síðustu viku, en uppgjörstímabilið heldur áfram í þessari viku.
30. jan. 2025
Við spáum 0,5 prósentustiga vaxtalækkun í næstu viku. Verðbólga mældist 4,6% í janúar. Hún hjaðnaði í takt við spá okkar og hefur þokast niður um 0,5 prósentustig frá síðustu vaxtaákvörðun. Hægt hefur á íbúðaverðshækkunum og verðbólguvæntingar virðast stöðugri en áður. Laun hafa hækkað mun minna en áður og vinnumarkaður hefur leitað í eðlilegra horf.
30. jan. 2025
Vísitala neysluverðs lækkaði um 0,27% á milli mánaða í janúar, samkvæmt nýbirtum tölum Hagstofu Íslands. Ársverðbólga lækkar því úr 4,8% í 4,6%. Við eigum enn von á að verðbólga hjaðni næstu mánuði og verði 3,9% í apríl.
27. jan. 2025
Í vikunni birtast verðbólgutölur fyrir janúar. Við eigum von á að verðbólga hjaðni og mælist 4,6%. Í síðustu viku birtist vísitala íbúðaverðs fyrir desember sem sýndi lækkun upp á 0,6% á milli mánaða. Vísitala leiguverðs sýndi einnig lækkun á milli mánaða, um 0,9%.
24. jan. 2025
Launavísitala Hagstofunnar hækkaði um 6,6% árið 2024. Á síðustu mánuðum hefur hægt verulega á launahækkunum, bæði vegna minni kjarasamningsbundinna hækkana en síðustu ár og minna launaskriðs. Kaupmáttur hefur því sem næst staðið í stað og óhætt að segja að staðan á vinnumarkaði styðji nú mun betur við verðstöðugleika en áður.
20. jan. 2025
Kortaveltutölur sem komu í síðustu viku voru nokkuð sterkar og sýndu að kortavelta heimilanna jókst nokkuð á milli ára í desember. Það voru tvö uppgjör í síðustu viku, Hagar og Ölgerðin, en fjárhagsár þessa tveggja félaga er, ólíkt öðrum félögum í kauphöllin, ekki hið sama og almanaksárið. Í vikunni fram undan fáum við vísitölur íbúðaverðs og leiguverðs frá HMS.
20. jan. 2025
Kortavelta landsmanna var alls 4,2% meiri á síðasta ári en árið 2023 og jókst milli ára alla mánuði ársins, miðað við fast verðlag og gengi. Telja má líklegt að Seðlabankinn fylgist vel með neyslustiginu í vaxtalækkunarferlinu og reyni að koma í veg fyrir að uppsafnaðar innistæður hrúgist út í neyslu. Neysla ferðamanna hér á landi mældist aðeins 1% meiri í fyrra en árið áður sé miðað við fast verðlag.
17. jan. 2025
Krónan styrktist á móti evru en veiktist aðeins á móti Bandaríkjadal á árinu 2024. Árið var nokkuð rólegt á millibankamarkaði með gjaldeyri þar sem velta dróst saman og minna var um flökt.