14. mars 2022 - Greiningardeild
Vikan framundan
- Á þriðjudag birtir Seðlabankinn gögn um greiðslukortaveltu í febrúar og Þjóðskrá birtir vísitölu íbúðaverðs.
- Á miðvikudag birtir fjármálastöðugleikanefnd Seðlabankans yfirlýsingu.
- Í vikunni fara fram verðmælingar vegna marsmælingu vísitölu neysluverðs, en Hagstofan birtir hana þriðjudaginn 29. mars.
Mynd vikunnar
Bein áhrif stríðsins á íslenskan efnahag verða léttvæg. Það skýrist af því að hlutfall útflutnings til Rússlands og Úkraínu er ekki nema 1,6% af heildarútflutningi frá landinu. Innflutningur frá þessum löndum vegur ekki nema 0,5% af heildarinnflutningi hér á landi. Óbein áhrif af stríðinu verða hins vegar að öllum líkindum mun meiri. Þau eru þegar byrjuð að koma fram í hærra eldsneytisverði hér á landi vegna mikillar hækkunar á heimsmarkaðsverði olíu. Sú hækkun mun ekki einungis valda beinni hækkun á verðbólgu í heiminum í gegnum hærra eldsneytisverð heldur einnig hækka flutningskostnað sem mun leggjast beint ofan á vöruverð.
Efnahagsmál
- 76 þúsund erlendir ferðamenn fóru um Keflavíkurflugvöll í febrúar samkvæmt talningu Ferðamálastofu. Brottfarir mælast nú álíka margar í febrúar árið 2015.
- Icelandair flutti fimmfalt fleiri ferðamenn í febrúar í ár en í fyrra samkvæmt flutningstölum sem birtust í síðustu viku.
- Gistinætur á hótelum voru 295.100 í febrúar samkvæmt gögnum Hagstofunnar.
- Skráð atvinnuleysi var 5,2% í febrúar og var óbreytt frá janúar.
- Seðlabankinn birti útreikning á raungengi í febrúar.
Fjármálamarkaðir
- Síldarvinnslan birti ársuppgjör.
Hagtölur og markaðsupplýsingar
Þú gætir einnig haft áhuga á
22. okt. 2024
Hafrannsóknarstofnun leggur til að ekki verði gefinn út loðnukvóti fyrir veiðitímabilið 2024/2025. Ráðgjöfin verður uppfærð í janúar, þegar nýjar mælingar fara fram og því er ekki útséð um loðnuveiðar á næsta ári. Fyndist loðna í nægilegu magni hefði það töluverð áhrif á hagvöxt á næsta ári. Loðna hefur verið veidd hér á landi frá árinu 1962 og aðeins þrisvar orðið algjör loðnubrestur, árin 2019, 2020 og nú síðast í ár.
21. okt. 2024
Í síðustu viku birtum við hagspá til ársins 2027. Vísitala íbúðaverðs og vísitala leiguverðs lækkuðu á milli mánaða í september og greiðslukortavelta heimilanna dróst saman á milli ára innanlands en jókst erlendis. Seðlabankinn birti fundargerð peningastefnunefndar og voru allir nefndarmenn sammála um að lækka vexti. Nokkur fyrirtæki birta uppgjör í þessari viku.
15. okt. 2024
Hagspá Landsbankans til ársins 2027 var kynnt á morgunfundi í Silfurbergi Hörpu þriðjudaginn 15. október 2024 en auk þess var fjallað um stöðu og horfur á alþjóðlegum mörkuðum og í áhugaverðum pallborðsumræðum ræddu forstjórar fjögurra útflutningsfyrirtækja um tækifæri og áskoranir í útflutningi.
15. okt. 2024
Greiningardeild Landsbankans spáir því að hagkerfið standi nánast í stað á milli ára í ár og að landsframleiðsla dragist saman um 0,1%. Bakslag í útflutningsgreinum setti svip sinn á fyrri hluta árs, loðnubrestur og hægari vöxtur ferðaþjónustu ollu samdrætti á sama tíma og háir vextir hafa kælt eftirspurnina sem engu að síður mælist nokkuð kröftug.
14. okt. 2024
Í fyrramálið kynnum við nýja hagspá til ársins 2027 á morgunfundi í Hörpu. HMS birtir í vikunni vísitölu íbúðaverðs, vísitölu leiguverðs og mánaðarskýrslu um húsnæðismarkaðinn. Á miðvikudag birtist svo fundargerð peningastefnunefndar. Í síðustu viku bar hæst að erlendum ferðamönnum fjölgaði aðeins á milli ára í september á sama tíma og atvinnuleysi jókst lítillega.
10. okt. 2024
Við spáum því að vísitala neysluverðs hækki um 0,27% á milli mánaða í október og að verðbólga lækki úr 5,4% niður í 5,1%. Við eigum von á áframhaldandi hjöðnun næstu mánuði og að ársverðbólga verði komin niður í 4,2% í janúar á næsta ári.
7. okt. 2024
Peningastefnunefnd Seðlabankans lækkaði vexti í síðustu viku, í fyrsta sinn í fjögur ár. Stýrivextir eru nú 9% eftir að hafa staðið í 9,25% í meira en ár. Verðbólga á evrusvæðinu er enn á niðurleið og mældist 1,8% í september, undir 2% verðbólgumarkmiði. Verðbólgutölur í Bandaríkjunum verða birtar í þessari viku.
1. okt. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
30. sept. 2024
Verðbólga í september var nokkuð undir væntingum og lækkaði úr 6,0% niður í 5,4%. Þrátt fyrir það teljum við að peningastefnunefnd vilji sýna varkárni þegar hún hittist í byrjun vikunnar og haldi vöxtum óbreyttum á miðvikudaginn.
27. sept. 2024
Vísitala neysluverðs lækkaði um 0,24% á milli mánaða í september, samkvæmt nýbirtum tölum Hagstofu Íslands. Ársverðbólga lækkar því úr 6,0% í 5,4%, eða um 0,6 prósentustig. Verðbólga hefur ekki mælst lægri síðan í desember 2021.