Landsbankahúsið á Selfossi selt Sigtúni Þróunarfélagi
![](https://images.prismic.io/landsbankinn/_library_Images_Frettir_2020_Landsbankinn-Selfossi-framhlid-515.jpg?fit=max&w=3840&rect=35,0,444,250&q=50)
Landsbankahúsið á Selfossi var reist á árunum 1949-1953, eftir grunnteikningum Guðjóns Samúelssonar, en áður hafði bankinn verið til húsa í Tryggvaskála og að Austurvegi 21. Húsið var auglýst til sölu í lok október sl. Fjögur tilboð bárust en fallið var frá einu þeirra. Söluverð hússins er 352 milljónir króna. Landsbankinn mun leigja hluta hússins undir starfsemi sína þar til útibúið flytur á nýjan stað á Selfossi.
Lilja Björk Einarsdóttir, bankastjóri Landsbankans, segir: „Landsbankahúsið á Selfossi er fallegt og svipmikið hús sem tengist sögu bankans órjúfanlegum böndum. Vegna breytinga á bankaþjónustu er það hins vegar orðið of stórt fyrir starfsemina og það er tímabært fyrir bankann að flytja í nýtt og hentugra húsnæði. Sigtún Þróunarfélag vinnur nú að uppbyggingu á nýjum miðbæ á Selfossi af miklum myndarskap og mun félagið vafalaust finna húsinu nýtt og spennandi hlutverk.“
Leó Árnason, stjórnarformaður Sigtúns Þróunarfélags, segir: „Þessi kaup eru liður í uppbyggingu okkar á Selfossi og undirstrikar þá sannfæringu sem við höfum fyrir framtíðarmöguleikum bæjarins. Húsið er stór hluti af sögu og bæjarmynd Selfoss og í því liggja mikil menningarverðmæti. Sigtún Þróunarfélag er meðvitað um varðveislugildi þess og mun leggja áherslu á að það haldi reisn sinni til framtíðar og að dyr þess verði áfram opnar Selfyssingum og gestum þeirra."
![](https://images.prismic.io/landsbankinn/Zs3u90aF0TcGJbsM_Sustainibility_day_1920x1080%403x.jpg?fit=max&w=3840&rect=720,0,4320,3240&q=50)
![](https://images.prismic.io/landsbankinn/Zsxc_UaF0TcGJY-i_elvar-thor-karlsson.jpg?fit=max&w=3840&rect=240,0,1440,1080&q=50)
![Sigurður Árni Sigurðsson](https://images.prismic.io/landsbankinn/Zp_WmB5LeNNTxboe_SK-LB2024_BK211163.png?fit=max&w=3840&rect=150,0,2404,1803&q=50)
![](https://images.prismic.io/landsbankinn/ZsiRJEaF0TcGJW-b_LB_Menningarnott_2024_1920x1080.jpg?fit=max&w=3840&&q=50)
![Eystra horn](https://images.prismic.io/landsbankinn/918043a6-cbf1-47cb-bc18-c7f87bee94a8_Landsbref-fjall.jpg?fit=max&w=3840&rect=87,0,1708,1281&q=50)
![Flutningaskip við Vestmannaeyjar](https://images.prismic.io/landsbankinn/eb63e91b-2dd7-49e6-b216-7219f2044d85_Flutningaskip-1920.jpg?fit=max&w=3840&&q=50)
![Netbanki](https://images.prismic.io/landsbankinn/92e7a426-af51-430b-95d2-9ceeef1f1d2a_Tolva-2023-Netbanki-einstaklinga.png?fit=max&w=3840&&q=50)
![](https://images.prismic.io/landsbankinn/ZpUzJh5LeNNTxKWz_landsbankinn_gay_pride-5_medium1600x1067.jpg?fit=max&w=3840&&q=50)
![Stúlka með síma](https://images.prismic.io/landsbankinn/c8831a3c-db04-49f2-9649-78176beedd34_5U3A4396_graded.jpg?fit=max&w=3840&&q=50)
![Menningarnótt 2023](https://images.prismic.io/landsbankinn/4bf21ee8-baa5-41e4-9ce2-d6163a24466b_LANDSBANKI_menningarnott_13.jpg?fit=max&w=3840&&q=50)