Vinnuborðið er staður þar sem hægt er að safna saman greiðslufyrirmælum og afgreiða mörg í einu. Það má líkja vinnuborðinu við innkaupakörfu þar sem þú safnar millifærslum, ógreiddum reikningum og greiðsluskrám í körfuna og greiðir svo í heild eða að hluta. Hægt er að nýta vinnuborðið sem sameiginlegt vinnuborð fyrir fleiri en einn notanda í fyrirtækinu. Vinnuborðið leysir geymda/virka greiðslubunka af hólmi.

Á vinnuborðinu hakar þú við þau greiðslufyrirmæli sem þú ætlar að framkvæma. Þá opnast borði neðst á skjánum þar sem þú velur að greiða og ferð svo í gegnum greiðslustaðfestingarferli.

Með því að framkvæma millifærslu á nýjan aðila. Hann bætist sjálfkrafa við viðtakendalistann í kjölfarið. 

Á millifærslusíðunni í netbankanum er listi yfir alla viðtakendur fyrirtækisins. Finndu viðtakandann sem þú vilt hafa á þínum eftirlætislista, veldu aðgerðarpunktana þrjá og smelltu á eftirlætis viðtakandi. Listinn er bundinn við þinn notanda og þínar breytingar hafa því ekki áhrif á aðra notendur fyrirtækisins.

Nei, hver og einn velur sína eftirlætis viðtakendur. Annað starfsfólk getur ekki séð hvaða viðtakendur eru á eftirlætislistanum þínum.

Já, allir sjá sömu viðtakendur en eftirlætislistinn er ólíkur og byggir á vali hvers notanda.

Síðustu færslur sýna einungis þær færslur sem þú hefur framkvæmt, ekki þær sem annað starfsfólk framkvæmir. Greiðsluleitin sýnir aftur á móti tæmandi lista.

Með því að velja aðgerðarpunktana þrjá og svo breyta gælunafni. Þar slærðu inn gælunafn og staðfestir.

Forsíðan birtir nú yfirlit yfir stöðu fyrirtækisins og aðgerðirnar hafa verið færðar undir þar til gerðar síður í netbankanum. Með fækkun vefsíðna eru allar aðgerðir orðnar aðgengilegar með færri smellum en áður.

Ógreiddir reikningar eru á sérstakri vefsíðu í netbankanum. Þaðan er hægt að greiða staka reikninga eða marga saman. Einnig er hægt að vista þá á vinnuborð til þess að afgreiða síðar.

Í nýja netbankanum eru ekki greiðslubunkar - vinnuborðið kemur í staðinn. Þú vistar drög að greiðslum á vinnuborðið og hakar svo við þær sem á að greiða saman og staðfestir með einni auðkenningu. Einnig er hægt að hlaða greiðsluskrám inn á vinnuborðið.

Þú finnur millifærslur í veftrénu og velur viðtakanda eða smellir á nýja millifærslu og slærð inn upplýsingar. Á skjánum þar sem þú velur upphæð og úttektarreikning er lítil skjámynd neðst. Með því að smella á hana færðu möguleikann á að velja dagsetningu framvirkrar greiðslu.

Ef þú vistar greiðsluna á vinnuborð hefur þú val um að breyta dagsetningunni síðar.

Undir millifærslum í veftrénu velur þú framvirkar. Þar er hægt að sjá yfirlit yfir greiðslufyrirmæli sem búið er að staðfesta en hafa ekki greiðst. Hægt er að eyða fyrirmælunum eða greiða strax.

Þú finnur millifærslur í veftrénu og velur viðtakanda eða smellir á nýja millifærslu og slærð inn upplýsingar. Á skjánum þar sem þú velur upphæð og úttektarreikning er lítil skjámynd neðst. Með því að smella á hana færðu möguleikann á framvirkri eða mánaðarlegri greiðslu. Þar er valið hvenær fyrsta millifærsla á að eiga sér stað og hvort einhver lokadagsetning eigi að vera á reglunni.

Í veftrénu velur þú millifærslur og svo reglulegar. Þar finnur þú yfirlit yfir reglulegar greiðslur fyrirtækisins og getur eytt eftir þörfum.

Allar greiðslur eru framkvæmdar á sama stað undir millifærslum, hvort sem greiðslan er innlend eða erlend. Þú getur valið þekktan viðtakanda úr listanum eða valið nýja millifærslu og slegið þar inn upplýsingar um nýjan viðtakanda.

Þegar smellt er á „ný millifærsla“ þarf svo að velja „erlend“ í glugganum sem opnast.

Það þarf ekki lengur að skrá erlenda viðtakendur sérstaklega. Með því að framkvæma erlenda millifærslu á nýjan aðila skráist hann í kjölfarið sem þekktur viðtakandi.

Greiðslur í evrum sem sendar eru innan Evrópu eru sendar í gegnum SEPA-kerfið. Þær eru fljótari að berast og greiðandi og viðtakandi deila kostnaði við greiðsluna. Greiðslur í öðrum gjaldmiðlum eða sem eru sendar utan Evrópu eru SWIFT-greiðslur.

Kostnaður er tekinn af greiðslureikningnum.