Styrkir
Styrkjum góð málefni
Við veitum árlega námsstyrki, sjálfbærnistyrki og samfélagsstyrki úr Samfélagssjóði Landsbankans.
Styrkir
Úthlutun námsstyrkja fer öllu jafna fram í upphafi sumars en samfélagsstyrkja í lok árs. Árið 2022 voru í fyrsta sinn veittir styrkir úr Sjálfbærnisjóði bankans.
Samfélagsstyrkir
Við veitum 15 milljónir króna í samfélagsstyrki á hverju ári. Styrkjunum er ætlað að styðja við verkefni á ýmsum sviðum, þar á meðal á sviði mannúðarmála, menningar og lista, menntunar, rannsókna og vísinda, forvarnar- og æskulýðsstarfs og umhverfismála og náttúruverndar.
Sjálfbærnistyrkir
Við veitum 10 milljónir króna árlega úr Sjálfbærnisjóði bankans til verkefna sem hafa jákvæð áhrif á umhverfið og stuðla að sjálfbærni. Sérstök áhersla er lögð á verkefni sem tengjast orkuskiptum.
Námsstyrkir
Á hverju ári veitum við námsstyrki til viðskiptavina sem eru í námi. Sérstök dómnefnd fer yfir allar umsóknir en nefndin er skipuð sérfræðingum úr skóla- og atvinnulífinu ásamt einum fulltrúa bankans. Úthlutun námsstyrkja fer öllu jafna fram í upphafi sumars.
Almennir styrkir
Ef umsókn fellur ekki að skilgreiningum samfélagsstyrksins, námsstyrksins né sjálfbærnistyrksins má senda almenna styrktarbeiðni á netfangið styrkur@landsbankinn.is. Við styðjum fjölbreytt verkefni með ýmsum hætti, m.a. með stuðningi útibúa við verkefni í nærsamfélagi og samstarfssamningum.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.
