Mannauðsstefna
Mannauðurinn er lykillinn að traustum banka
Okkur er umhugað um velferð og vellíðan starfsfólks og leggjum áherslu á gagnkvæmt traust og sveigjanleika þar sem þarfir einkalífs og vinnu fara saman.
Mannauðsstefnan
Landsbankinn er eftirsóttur vinnustaður. Við leggjum áherslu á að skapa skemmtilegan vinnustað þar sem heilbrigð liðsheild þrífst við jákvæða og árangursdrifna menningu. Okkur er umhugað um velferð og vellíðan starfsfólks og leggjum áherslu á gagnkvæmt traust og sveigjanleika þar sem þarfir einkalífs og vinnu fara saman. Þekking, metnaður og kraftur starfsfólks er lykillinn að traustum banka fyrir farsæla framtíð.
![](https://images.prismic.io/landsbankinn/0eae9e8f-3489-4c4c-aec4-76831b22a84f_Atvinna+2+-+2.jpg?fit=max&w=3840&rect=0,0,1081,1081&q=50)
Menning
Við berum sameiginlega ábyrgð á árangri og starfsánægju á vinnustaðnum. Vinnustaðamenning okkar er í stöðugri þróun og starfsfólk er meðvitað um ábyrgð á eigin þekkingu og vexti. Við leggjum ríka áherslu á fagleg vinnubrögð og að nýtt starfsfólk fái góðar móttökur, nauðsynlegar upplýsingar og góðan aðbúnað til að sinna starfi sínu vel.
![Starfsmaður](https://images.prismic.io/landsbankinn/3801d326-de86-456e-8559-25597d899eb4_BK214543.jpg?fit=max&w=3840&rect=258,0,1312,1312&q=50)
Umhverfi
Okkur er umhugað um að starfsemin sé árangursrík og skilvirk og leggjum því áherslu á gagnkvæman sveigjanleika þar sem þarfir einkalífs og starfs fara saman. Aðbúnaður og aðstaða er eins og best verður á kosið og við nýtum snjallar lausnir til að koma til móts við starfsfólk sem hefur kost á að nýta sér ólíkar starfsstöðvar.
![Starfsfólk við tölvu](https://images.prismic.io/landsbankinn/f77f062f-58ab-4391-bcec-8deb661defd1__ART8719-Edit.jpg?fit=max&w=3840&rect=882,0,4912,4912&q=50)
Velferð
Til að starfsfólk geti sinnt starfi sínu vel og veitt viðskiptavinum bankans bestu þjónustu sem völ er á þarf starfsumhverfið að vera hvetjandi, styðjandi og stuðla að velferð og vellíðan í vinnu. Öflug og traust liðsheild sem byggir á frumkvæði og lausnamiðuðu hugarfari finnur leið til að gera betur og leysa áskoranir í sameiningu.