LEI-kóði
LEI-kóði lögaðila
LEI-kóði (e. legal entity identifier) er alþjóðlegur 20 stafa kóði til auðkenningar lögaðila.
Hverjir þurfa að afla sér LEI-kóða?
Lögaðilar sem eiga viðskipti með fjármálagerninga, sem teknir hafa verið til viðskipta á markaði, eða viðskipti með afleiður þurfa að afla sér LEI-kóða og upplýsa Landsbankann um hann. Viðskiptavinir sem ætla eingöngu að eiga viðskipti með verðbréfa- og fjárfestingarsjóði, s.s. með sjóði Landsbréfa, þurfa ekki LEI-kóða. Fjármálafyrirtæki styðjast við LEI-kóða í skýrslugjöf til eftirlitsaðila vegna viðskipta með fjármálagerninga.
Hvernig fær lögaðili LEI-kóða?
Lögaðilar þurfa að sækja sérstaklega um LEI-kóða hjá viðurkenndum útgefendum erlendis og viðhalda honum árlega. Leita má að skráðum LEI-kóðum og gildistíma þeirra í leitarvél á heimasíðu GLEIF (e. Global Legal Entity Identifier Foundation). Viðurkenndir útgefendur LEI-kóða innheimta gjöld vegna útgáfu þeirra. Hér að neðan má sjá nokkra aðila sem eru meðal útgefenda kóðanna.
Hvernig upplýsi ég Landsbankann um LEI-kóða?
Senda má upplýsingar um LEI-kóða lögaðila í tölvupósti á netfangið lei@landsbankinn.is og tilgreina þar einnig nafn lögaðila og íslenska kennitölu.