Rafræn skilríki eru persónuskilríki sem eru notuð í stafrænum heimi til innskráningar í öpp og á vefsvæði. Þau má nota til sterkrar auðkenningar, t.d. við millifærslur eða netgreiðslur. Undirskriftir með rafrænum skilríkjum uppfylla nútíma öryggiskröfur og eru jafngildar handrituðum undirskriftum.

Þú þarft annað hvort rafræn skilríki á SIM-korti (símanúmeri) eða Auðkennisappið.

Það er hægt að virkja rafræn skilríki í næsta útibúi Landsbankans. Þú þarft alltaf að hafa meðferðis gild persónuskilríki, sem eru vegabréf, ökuskírteini útgefin af öllum Norðurlöndunum (þó ekki rafræn), nafnskírteini sem einnig eru ferðaskilríki gefin út innan Schengen og EES og íslensk nafnskírteini, gefin út af Þjóðskrá Íslands frá 1. mars 2024.

Auðkennisappið er sótt í App Store eða Google Play og virkjað í sjálfsafgreiðslu eða á næstu skráningarstöð.

Sjálfsafgreiðslan er bæði auðveld og einföld en til þess þarftu að:

• Eiga gilt, íslenskt vegabréf.
• Hafa afnot af síma eða snjalltæki með NFC-stuðningi.
• Hafa náð 18 ára aldri.

Með rafrænum skilríkjum á SIM-korti notar þú símanúmerið þitt til innskráningar. Skilríkin eru vistuð á SIM-kortinu og þú getur notað þau áfram þó þú færir SIM-kortið í nýjan síma. Þau virka aðeins fyrir íslensk símanúmer og þú þarft að vera í símasambandi til að nota þau.

Með rafrænum skilríkjum á Auðkennisappi notar þú kennitöluna þína til innskráningar. Rafræn skilríki á Auðkennisappinu eru vistuð á síma eða snjalltæki og tengjast ekki símanúmeri eða SIM-korti. Þess vegna skiptir ekki máli hvort þú ert með íslenskt eða erlent símanúmer. Þú þarft að hafa netsamband til að nota Auðkennisappið.

Virkjun rafrænna skilríkja er gjaldfrjáls fyrir viðskiptavini Landsbankans. Annars er kostnaður við virkjun rafrænna skilríkja samkvæmt verðskrá bankans hverju sinni.

Ef þú manst ekki PIN-ið þitt eða rafrænu skilríkin eru læst, þarf að virkja ný rafræn skilríki.

Á flestum símtækjum er hægt að breyta PIN-i rafrænna skilríkja, en þá þarftu að muna núverandi PIN. Sjá nánar á vef Auðkennis.

Einstaklingar undir 18 ára aldri geta fengið rafræn skilríki á SIM-kort og/eða Auðkennisappið, ef forsjáraðilar undirrita umsókn fyrir þau. Það þarf alltaf að framvísa gildum persónuskilríkjum á skráningarstöð. Fyrir forsjáraðila eru tvær leiðir til undirritunar í boði:

1. Forsjáraðili notar rafræn skilríki til að skrá sig inn á mínar síður Auðkennis og sækir þar um rafræn skilríki fyrir ólögráða. Að því loknu getur ólögráða einstaklingurinn mætt á skráningarstöð án forsjáraðila.
2. Forsjáraðili og ólögráða einstaklingur mæta saman á skráningarstöð með gild persónuskilríki, sjá nánari upplýsingar um leyfð persónuskilríki á vef Auðkennis.

Það er hægt að nota Auðkennisappið hvar sem er í heiminum óháð símafélögum, bæði á íslenskum og erlendum farsímanúmerum. Þú getur virkjað rafræn skilríki í sjálfsafgreiðslu í Auðkennisappinu. Til þess að geta skráð rafræn skilríki í sjálfsafgreiðslu þarft þú að:

•  Hafa náð 18 ára aldri​.
•  Hafa afnot af síma eða snjalltæki með NFC-stuðningi​.
•  Eiga gilt, íslenskt vegabréf​.

Ef þú uppfyllir ekki þessi skilyrði eða það hentar þér betur að koma í heimsókn til okkar aðstoðum við þig með ánægju við að setja upp Auðkennisappið. Pantaðu tíma í því útibúi sem þér hentar og mundu að hafa gild persónuskilríki með þér. Þú getur einnig fengið aðstoð við að setja appið upp á skráningarstöðvum Auðkennis.

Nei, það er ekki hægt að veita öðrum umboð til að virkja rafræn skilríki.

Já, auðkenning með rafrænum skilríkjum hjá Landsbankanum jafngildir því að framvísa persónuskilríkjum. Hægt er að skrá rafræn skilríki á vef Landsbankans.

Ef rafræn skilríki eru á SIM-korti (símanúmeri) þarf að virkja ný rafræn skilríki þegar skipt er um símafyrirtæki.

Sjálft Auðkennisappið virkar þó að skipt sé um símafyrirtæki og/eða símanúmer en það þarf samt að virkja rafrænu skilríkin aftur. Þegar nýtt snjalltæki er sett upp, með upplýsingum úr eldra tæki, afritast Auðkennisappið sjálft yfir en það sama á ekki við um rafrænu skilríkin á því.

Rafræn skilríki á SIM-korti virka á flestum símtækjum, það þarf ekki snjallsíma til. Einstaka símar styðja þau þó ekki, sjá lista á vef Auðkennis.

Auðkennisappið er hægt að virkja á flestum snjalltækjum.

Það eru nokkrar mismunandi leiðir í boði:

• Hefur samband við símafyrirtækið þitt. Þegar símafyrirtækið lokar SIM-korti afturkallast skilríkin sjálfkrafa.
• Hefur samband við Auðkenni ehf. sem  loka skilríkjunum fyrir þig.
• Hefur samband við Landsbankann og við lokum skilríkjunum fyrir þig.
• Ef þú átt önnur rafræn skilríki getur þú farið á mínar síður Auðkennis og afturkallað týndu skilríkin þar.

Á  mínum síðum Auðkennis er hægt að skoða notkun rafrænna skilríkja.

Með gildum persónuskilríkjum er átt við:

• Vegabréf útgefin af hvaða landi sem er.
• Ökuskírteini útgefin af öllum Norðurlöndunum (þó ekki stafræn ökuskírteini í síma né eldri plöstuð pappírsskírteini).
• Nafnskírteini sem einnig eru ferðaskilríki útgefin innan Schengen og EES.
• Íslensk nafnskírteini, útgefin af Þjóðskrá Íslands frá 1. mars 2024.
• Íslensk dvalarleyfiskort