Á vef Landsbankans, undir svæði markaðarins, eða í verðbréfahluta appsins getur þú nálgast allar helstu upplýsingar um hlutabréf og skuldabréf. Gengi hlutabréfa er birt í rauntíma sem tryggir að þú hafir alltaf aðgang að nýjustu upplýsingum. Þar finnur þú líka allar upplýsingar um sjóði Landsbréfa, eins og eignasamsetningu, fjárfestingarstenfur, helstu áhættuþætti og ávöxtunartölur.
Einn frábær eiginleiki sem Landsbankinn býður upp á er samanburður á gengisþróun milli einstakra hlutabréfa, sjóða og vísitalna. Þetta getur komið að góðum notum þegar þú ert að skoða hvort þú viljir setja peninginn þinn í tiltekna sjóði eða hlutabréf. Samanburðurinn getur líka sýnt hvernig ólíkir sjóðir hafa þróast í gegnum tíðina. Slíkan samanburð er gott að hafa til hliðsjónar til að gera sér grein fyrir mismunandi sveiflum á milli eignaflokka. Hafðu þó í huga að árangur fyrri ára er ekki trygging fyrir áframhaldandi árangri.
Þá er hægt að skoða hvernig ákveðinn sjóður í virkri stýringu eða stök bréf eru að standa sig í samanburði við staðlaðar vísitölur. Þú getur notað hvort sem er appið eða vefinn okkar til að nálgast ýtarlegar upplýsingar um viðskipti hvers dags á hlutabréfa- og skuldabréfamörkuðum, svo sem um fjölda viðskipta og veltu, ásamt kaup- og sölutilboðum. Allt eru þetta upplýsingar sem nýtast við val á fjárfestingarkostum og auðvelda þér að byggja gott eignasafn til framtíðar.
Þetta er einfalt í framkvæmd, þú finnur samanburðinn inni á undirsíðum tiltekins sjóðs eða hlutabréfs, sjá yfirlitssíður sjóða Landsbréfa, hlutabréfa, skuldabréfa eða vísitalna. Þar ýtir þú á „bera saman“ hnappinn og velur þar þá sjóði eða hlutabréf sem þú vilt bera saman fyrir ákveðið tímabil.
Jóhanna og Halldór starfa í Verðbréfa- og lífeyrisþjónustu Landsbankans.
