Árs- og sjálf­bærni­skýrsla Lands­bank­ans komin út

Árs- og sjálfbærniskýrsla Landsbankans er sem fyrr gefin út á vefnum á íslensku og ensku. Meðal þess sem fjallað er um í skýrslunni er:

• Landsbankaappið nýtur sífellt meiri vinsælda og á árinu 2023 fjölgaði notendum þess um meira en þriðjung.
• Á árinu urðu umskipti á Landsbankaappinu. Það býður ekki lengur einungis upp á hefðbundna bankaþjónustu, heldur tengir saman vinnu, yfirsýn og fjármál fólks á nýjan hátt.
• Viðskiptavinum sem spara í appinu og fá þannig hagstæðustu óbundnu innlánsvextina fjölgaði um 57%.
• Fjármögnun bankans gekk vel og útgáfur á erlendum skuldabréfum voru vel heppnaðar.
• Færsluhirðing Landsbankans, sem var hleypt af stokkunum á árinu, hefur fengið mjög góðar viðtökur og Fyrirtækjaráðgjöf Landsbankans kom að mörgum mjög vel heppnuðum verkefnum.
• Viðskiptavinum hélt áfram að fjölga, markaðshlutdeild á einstaklingsmarkaði hefur aldrei verið hærri og aldrei hafa fleiri fyrirtæki bæst í hóp ánægðra viðskiptavina bankans.
• Árið 2023 mældist Landsbankinn efstur í Íslensku ánægjuvoginni hjá viðskiptavinum í bankaþjónustu, fimmta árið í röð.
• Ítarlega er fjallað um sjálfbærnistarf bankans en árið 2023 settum við okkur m.a. vísindaleg loftslagsmarkmið sem voru nú í febrúar 2024 staðfest af Science Based Targets initiative (SBTi).