21. mars 2022 - Hagfræðideild
Vikan framundan
- Á þriðjudag birtir Hagstofan vísitölu launa fyrir febrúar.
- Á fimmtudag birtir Hagstofan niðurstöður úr vinnumarkaðsrannsókn sinni fyrir febrúar.
Mynd vikunnar
Veruleg aukning varð í fyrra og í ár á framvirkum gjaldeyrissamningum, þ.e. samningum þar sem viðskiptavinir skuldbinda sig til þess að kaupa eða selja gjaldeyri af banka í framtíðinni á fyrirfram ákveðnu gengi. Hrein framvirk staða viðskiptabankanna var í lok febrúar jákvæð um 140 milljarða króna sem þýðir að viðskiptavinir bankanna hafa selt gjaldeyri framvirkt fyrir 140 milljarð króna umfram það sem þeir hafa keypt framvirkt. Viðskiptavinur gæti selt gjaldeyri framvirkt ef hann á von á að fá tekjur í erlendum gjaldeyri í framtíðinni og vill verja sig gegn því að krónan styrkist í millitíðinni með þeim afleiðingum að færri krónur fáist fyrir erlenda gjaldeyrinn þegar hann kemur í hús. Einnig getur viðskiptavinur selt gjaldeyri framvirkt ef hann vill taka stöðu með krónunni, þ.e. hann á von á að hún styrkist.
Efnahagsmál
- Vísitala íbúðaverðs hækkaði um 2,5% milli mánaða í febrúar. Árshækkun vísitölunnar er 22,5%, þar af er árshækkun fjölbýlis 21,4% og sérbýlis 26,8%. Vísitala leiguverðs hækkaði um 0,9% milli mánaða og er árshækkun hennar 8,4%.
- Greiðslukortavelta Íslendinga jókst um 10% milli ára að raunvirði í febrúar. Aukning í neyslu milli ára var eingöngu vegna aukinnar neyslu hjá erlendum söluaðilum, sem tvöfaldaðist milli ára.
- Í síðustu viku fóru fram verðmælingar vegna marsmælingar vísitölu neysluverðs, en Hagstofan birtir hana þriðjudaginn 29. mars. Við spáum því að vísitalan hækki um 1,0% milli mánaða og að ársverðbólgan hækki úr 6,2% í 6,8%.
- Seðlabankinn birti í síðustu viku yfirlýsingu fjármálastöðugleikanefndar og fyrri fjármálastöðugleikaskýrslu ársins.
- Hagstofan birti niðurstöðu úr lífskjararannsókn sinni fyrir 2021.
- Hagdeild HMS birti mánaðarskýrslu.
- Fitch Ratings staðfesti A lánshæfiseinkunn ríkissjóðs. Matsfyrirtækið færði horfur í stöðugar úr neikvæðum.
Fjármálamarkaðir
- Eimskip, Iceland Seafood og Marel birtu ársskýrslur.
- Landsbankinn lauk útboði sértryggðra skuldabréfa, Lánasjóður sveitarfélaga lauk skuldabréfaútboði og Lánamál ríkisins luku útboði ríkisbréfa.
Hagtölur og markaðsupplýsingar
Þú gætir einnig haft áhuga á
30. ágúst 2024
Hagkerfið dróst örlítið saman á milli ára á öðrum ársfjórðungi, samkvæmt nýbirtum þjóðhagsreikningum Hagstofunnar. Á sama tíma er nú ljóst að hagvöxtur var meiri í fyrra en áður var talið og samdráttur einnig minni á fyrsta ársfjórðungi. Umsvif í hagkerfinu eru því meiri en áður var talið þótt landsframleiðsla dragist saman.
29. ágúst 2024
Vísitala neysluverðs hækkaði um 0,09% á milli mánaða í ágúst, samkvæmt nýbirtum tölum Hagstofu Ísland. Ársverðbólga lækkar því úr 6,3% í 6,0%, um 0,3 prósentustig. Vísitalan hækkaði nokkuð minna en við gerðum ráð fyrir, en við spáðum óbreyttri verðbólgu. Það sem kom okkur mest á óvart var lækkun á menntunarliðnum, sem skýrist af niðurfellingu á skólagjöldum einstaka háskóla. Verð á matarkörfunni lækkaði í fyrsta skiptið í þrjú ár.
27. ágúst 2024
Afgangur af þjónustuviðskiptum náði ekki að vega upp halla af vöruviðskiptum á öðrum ársfjórðungi, ólíkt því sem var fyrir ári síðan. Bæði var meiri halli af vöruviðskiptum og minni afgangur af þjónustuviðskiptum en á öðrum fjórðungi síðasta árs.
26. ágúst 2024
Peningastefnunefnd hélt vöxtum óbreyttum í síðustu viku, eins og búist var við. Nokkur kraftur er í fasteignamarkaðnum og vísitala íbúðaverðs og vísitala leiguverðs hækkuðu báðar þó nokkuð í júlí. Í þessari viku fáum við verðbólgutölur fyrir ágústmánuð og þjóðhagsreikninga annars ársfjórðungs.
20. ágúst 2024
Hagstofan hefur frá því í júní notað nýja aðferð við að mæla kostnað við búsetu í eigin húsnæði. Hefði Hagstofan ekki breytt um aðferð væri verðbólgumælingin nú líklega hærri. Um næstu áramót áforma stjórnvöld að breyta innheimtu gjalda á ökutæki sem mun að líkindum einnig hafa áhrif til lækkunar á mældri verðbólgu.
19. ágúst 2024
Uppfærð gögn Seðlabankans gefa til kynna að kortavelta íslenskra heimila hafi verið þó nokkuð meiri á þessu ári en áður var talið. Heildarkortavelta Íslendinga hefur aukist á milli ára alla mánuði ársins og hefur verið 4% meiri að raunvirði það sem af er ári en á sama tímabili í fyrra.
19. ágúst 2024
Kortavelta erlendra ferðamanna hér á landi það sem af er ári er meiri en áður var talið, samkvæmt uppfærðum tölum sem Seðlabanki Íslands birti í síðustu viku. Í þessari viku ber hæst vaxtaákvörðun hjá Seðlabankanum á miðvikudag.
16. ágúst 2024
Uppfærðar tölur um kortaveltu teikna upp töluvert aðra mynd af stöðu ferðaþjónustunnar en áður birt gögn. Það sem af er ári hefur kortavelta aukist frá fyrra ári, þvert á það sem áður var talið. Ferðamenn eru því lítillega fleiri í ár en í fyrra og eyða meiru.
15. ágúst 2024
Við spáum því að vísitala neysluverðs hækki um 0,36% á milli mánaða í ágúst og að verðbólga standi í stað í 6,3%. Alla jafna ganga sumarútsölur á fötum og skóm að hluta til baka í ágúst á meðan flugafargjöld til útlanda lækka. Við eigum von á að verðbólga hjaðni næstu mánuði og verði komin niður í 5,4% í nóvember.
15. ágúst 2024
Verðbólga jókst umfram væntingar í júlí og jafnvel þótt verðbólga hafi almennt verið á niðurleið undanfarið hefur hjöðnunin verið hægari en vonir stóðu til. Nú í ágúst hafa stýrivextir verið 9,25% í heilt ár og við teljum að peningastefnunefnd haldi þeim áfram óbreyttum í næstu viku, sjötta skiptið í röð.