13. september 2021 - Hagfræðideild
Vikan framundan
- Í vikunni fara fram verðmælingar vegna VNV, en Hagstofan birtir mælinguna þriðjudaginn 28. september.
- Á miðvikudag birtir Seðlabankinn tölur um greiðslumiðlun.
- Á fimmtudag birtir Hagstofan tölur um fjármál hins opinbera.
Mynd vikunnar
Verð á áli hækkaði í síðustu viku í kjölfar valdaráns hersins í Gíneu, en um fjórðungur af öllu báxíti sem er notað í álframleiðslu í heiminum kemur frá Gíneu. Þar áður hafði álverð hækkað samfellt síðan í maí á síðasta ári þegar það fór undir 1.500 dollara á tonn. Undir lok síðustu viku fór verðið síðan yfir 2.800dollara á tonn í fyrsta sinn síðan ágúst 2008.
Efnahagsmál
- Allir nefndarmenn peningastefnunefndar studdu tillögu seðlabankastjóra um 0,25 prósentu hækkun á fundi nefndarinnar 23.-24. ágúst, en Gunnar Jakobsson og Gylfi Zoëga hefðu þó fremur kosið að hækka vexti bankans um 0,5 prósentur.
- Skráð atvinnuleysi var 5,5% í ágúst og lækkaði um 0,6 prósentur milli mánaða. Atvinnuleysi var mest á Suðurnesjum (9,7%) og á höfuðborgarsvæðinu (6,7%).
- 152 þúsund erlendir farþegar fóru um Leifsstöð í ágúst, sem er 40% minna en í ágúst 2019. Frá áramótum hafa 336 þúsund erlendir farþegar farið um Leifstöð sem er fækkun um 27% milli ára. Um tvær af hverjum fimm brottförum í ágúst voru Bandaríkjamenn.
- Icelandair Group birti flutningstölur fyrir ágúst.
- Hagdeild HMS birti mánaðarskýrslu.
- Hagstofan birti bráðabirgðatölur um vöruviðskipti í ágúst, ítarlegri flokkun um þjónustuviðskipti 2020, og tilraunatölfræði um gistinætur á hótelum í ágúst.
- Seðlabankinn birti talnaefni um gjaldeyrismarkaðinn, krónumarkaðinn, raungengi, og erlenda stöðu Seðlabankans.
Fjármálamarkaðir
- Lánamál ríkisins birtu Markaðsupplýsingar.
- Reykjavíkurborg, Reitir og Eik luku skuldabréfaútboði.
- Stjórn Skeljungs ákvað frekari uppskiptingu rekstrareininga.
- Hagar endurfjármögnuðu skuldabréf á sem er á gjalddaga í október.
Hagtölur og markaðsupplýsingar
Þú gætir einnig haft áhuga á
29. ágúst 2024
Vísitala neysluverðs hækkaði um 0,09% á milli mánaða í ágúst, samkvæmt nýbirtum tölum Hagstofu Ísland. Ársverðbólga lækkar því úr 6,3% í 6,0%, um 0,3 prósentustig. Vísitalan hækkaði nokkuð minna en við gerðum ráð fyrir, en við spáðum óbreyttri verðbólgu. Það sem kom okkur mest á óvart var lækkun á menntunarliðnum, sem skýrist af niðurfellingu á skólagjöldum einstaka háskóla. Verð á matarkörfunni lækkaði í fyrsta skiptið í þrjú ár.
27. ágúst 2024
Afgangur af þjónustuviðskiptum náði ekki að vega upp halla af vöruviðskiptum á öðrum ársfjórðungi, ólíkt því sem var fyrir ári síðan. Bæði var meiri halli af vöruviðskiptum og minni afgangur af þjónustuviðskiptum en á öðrum fjórðungi síðasta árs.
26. ágúst 2024
Peningastefnunefnd hélt vöxtum óbreyttum í síðustu viku, eins og búist var við. Nokkur kraftur er í fasteignamarkaðnum og vísitala íbúðaverðs og vísitala leiguverðs hækkuðu báðar þó nokkuð í júlí. Í þessari viku fáum við verðbólgutölur fyrir ágústmánuð og þjóðhagsreikninga annars ársfjórðungs.
20. ágúst 2024
Hagstofan hefur frá því í júní notað nýja aðferð við að mæla kostnað við búsetu í eigin húsnæði. Hefði Hagstofan ekki breytt um aðferð væri verðbólgumælingin nú líklega hærri. Um næstu áramót áforma stjórnvöld að breyta innheimtu gjalda á ökutæki sem mun að líkindum einnig hafa áhrif til lækkunar á mældri verðbólgu.
19. ágúst 2024
Uppfærð gögn Seðlabankans gefa til kynna að kortavelta íslenskra heimila hafi verið þó nokkuð meiri á þessu ári en áður var talið. Heildarkortavelta Íslendinga hefur aukist á milli ára alla mánuði ársins og hefur verið 4% meiri að raunvirði það sem af er ári en á sama tímabili í fyrra.
19. ágúst 2024
Kortavelta erlendra ferðamanna hér á landi það sem af er ári er meiri en áður var talið, samkvæmt uppfærðum tölum sem Seðlabanki Íslands birti í síðustu viku. Í þessari viku ber hæst vaxtaákvörðun hjá Seðlabankanum á miðvikudag.
16. ágúst 2024
Uppfærðar tölur um kortaveltu teikna upp töluvert aðra mynd af stöðu ferðaþjónustunnar en áður birt gögn. Það sem af er ári hefur kortavelta aukist frá fyrra ári, þvert á það sem áður var talið. Ferðamenn eru því lítillega fleiri í ár en í fyrra og eyða meiru.
15. ágúst 2024
Við spáum því að vísitala neysluverðs hækki um 0,36% á milli mánaða í ágúst og að verðbólga standi í stað í 6,3%. Alla jafna ganga sumarútsölur á fötum og skóm að hluta til baka í ágúst á meðan flugafargjöld til útlanda lækka. Við eigum von á að verðbólga hjaðni næstu mánuði og verði komin niður í 5,4% í nóvember.
15. ágúst 2024
Verðbólga jókst umfram væntingar í júlí og jafnvel þótt verðbólga hafi almennt verið á niðurleið undanfarið hefur hjöðnunin verið hægari en vonir stóðu til. Nú í ágúst hafa stýrivextir verið 9,25% í heilt ár og við teljum að peningastefnunefnd haldi þeim áfram óbreyttum í næstu viku, sjötta skiptið í röð.
12. ágúst 2024
Brottfarir erlendra ferðamanna um Keflavíkurflugvöll voru hálfu prósenti fleiri í júlí í ár en í fyrra. Fjöldi skráðra gistinótta útlendinga dróst minna saman í júní en síðustu mánuði. Noregur hefur sótt í sig veðrið sem vinsæll ferðamannastaður og hafa gistinætur þar aukist langmest af norðurlöndunum.